Justiça espanhola condena Cineclube de Compostela por umha projecçom aberta e gratuita
Desde a associaçom consideram que a sentença semelha «umha brincadeira de mau gosto»
PGL.- O magistrado Pablo González Carreró Fojón estimou a denúncia formulada pola produtora Cámara Oscura Películas SL contra o Cineclube de Compostela pola projecçom do filme Terra Negra. A sentença condenatória obriga a associaçom para efectivizar o pagamento de mais de 250 euros em conceito de uns supostos direitos e exibiçom, apesar de que o director da fita denunciou o «boicote» do produtor, que se nega a exibi-la. [+...]
De nada lhe serviu ao Cineclube toda a sua defesa nem apelar ao «direito elementar de acesso à cultura». Para o juiz tampouco pareceu servir a argumentaçom do colectivo, que contava com a permissom explícita do director para projectar a fita e que nom perseguir ânimo de lucro com a projecçom.
Desde a associaçom consideram que a sentença «mostra claramente quê interesses defende a legislaçom actual de direitos de autor no Reino da Espanha», já que culpa o Cineclube de o acesso ao filme ter sido «livre e gratuito».
Também consideram «umha brincadeira de mau gosto» que se obrigue a associaçom pagar na íntegra o importe exigido por Cámara Oscura alegando que o filme «nom fora estreado comercialmente» em Compostela. Porém, o próprio director manifestava que o produtor do filme nom tinha pensado projectá-lo nem na capital galega nem em qualquer outro lugar, numha atitude que se qualificou de «boicote à fita».
Por todos estes motivos, desde o Cineclube de Compostela consideram que som culpáveis do delito de «achegar à nossa cidade os títulos roubados à cidadania polos circuitos comerciais, por abrir a nossa programaçom ao público mais amplo possível e por fazer todo isto de graça». Precisamente, o facto destas atitudes terem sido consideradas «ilegais» pola justiça espanhola, nom os fará variar na sua concepçom da cultura como algo «aberto e livre».
Tirado da página da AGAL:
http://www.agal-gz.org/modules.php?name=News&file=article&sid=3678
Sem comentários:
Enviar um comentário